Berrehun metro koadroko espazioa da, mendebaldera begira dagoena, mendira. Gimnasio aerobiko bat aukeratu da, Kiroldegiko erabiltzailearen eta Esteribar bailarako eta alboko bailaretako biztanleen osasuna hobetzeko. Gimnasio horrek korrika egiteko zintak, bizikleta estatikoak eta bizikleta berezia ditu bizkarreko lesioetarako, stepak, arrauneko zinta, zinta eliptikoa, etab. Muskulazio-gune bat eta pisu libreko beste gune bat ere (eskulekuak, diskoak eta barrak) baditu.

Gimnasioaren erabiltzaile guztiek aurrez egin beharko dute makinak erabiltzeko ikastaro bat, edo bestela, beste gimnasio/klub batean egin dutela modu frogagarrian justifikatu beharko dute. Ikastaro honen bitartez, helburua da bermatzea erabiltzaileak badakiela nola erabili gimnasioko makinak, eta horrela, lesioak ahal den neurrian saihestea.

Honetaz gain, erabiltzaileek lanerako aholkularitza pertsonalizatua izango dute gimnasioan.

Derrigorrezkoa da kirol-arropa eta oinetako egokiekin joatea. Gomendatzen da higiene pertsonala eta makinen garbiketa dela eta eskuoihala eramatea, eta baita ariketan zehar hidratatzeko botila bat ur eramatea ere. Ezin da sartu kanpoko oinetako zikinekin.

Garrantzitsua da erabilera-txandak eta gehieneko erabilera-denborak errespetatzea. Arau orokor gisa, makina kardiobaskularretan (zintak, bizikletak), gehienez 30 minutu eman daitezke saio bakoitzeko, bereziki beste abonatu bat txandaren zain badago.

Erabili txartela gelara sartzeko. Txartela pertsonala eta besterenezina da.

Fitness aretoaren ordutegia instalazioarena bera da, ondoren zehazten dena:

NEGUAN

• Astelehenetik ostiralera, 9:30etik 21:30era.
• Larunbatetan, 9:30etik 14:00etara eta 15:30etik 21:30era.

UDAN

• Astelehenetik igandera, 9:30etik 21:30era.

ARETOKO MONITOREA

• Astelehen eta asteazkenetan, 11:00etatik 13:00etara eta 18:30etik 20:00etara.
• Astearte eta ostegunetan, 11:00etatik 13:00etara eta 17:30etik 19:30era.