Imagen General Corazón

Ollokiko Kultur Etxea

‘Passive House’ erako eraikina da, 2018. urtetik Esteribarko Olloki herrian kokatua. Isolamendu termiko handiko eraikina dugu, besteak beste, infiltrazioak zorrotz kontrolatzeaz gain eta barneko airearen kalitate gorena baitu. Eguzkiaren energia klimatizazio hobea lortzeko baliatzen du, eta ohiko erakuntzekin alderatuta, energia-kontsumoa % 70 inguruko murrizketa lortzeko ahalmena dauka.

Esteribarko Udalak sustatutako Ollokiko erabilera anitzeko eraikinaren proiektuak 2014-2020 aldirako aurreikusitako Landa Garapenerako Nafarroako Mendiaren Programaren laguntza jaso zuen, Cederna-Garalurren kudeaketari esker, LGENFk (EB) eta Nafarroako Gobernuak finantzatzen duten programaren baitan.

Hainbat jarduera garatzen dira espazio honetan, bai kirol arlokoak, eta baita kulturalak ere. Gela desberdinak ditu, tartean, areto zabalago bat, ikasketa gune gisa erabiltzen dena eta beste txikiago bi. Honetaz gain, sarrera gela zabala ere badauka, mokadu bat hartu edota lasai egoteko aukera eskaintzen duena.

Kirol jarduera eskaintza zabala du lokalak. Hasiera batean pilates edo jarrera-berrantolaketa bezalako jarduerak soilik egiten ziren arren, eskaintza zabaldu eta nabarmen handitu da zentroko erabiltzaile kopurua (jarduerak zein ordutegiak liburuxkan kontsulta daitezke). Eskaintza zabalaz gain, musika eskolaren funtzioa ere betetzen du eraikinak, eta bertan ematen dira Orreaga Musika Eskolaren eskolak. Honetaz gain, pintura, ingelesa, katekesia eta beste hainbat kultur jarduera ere egiten dira bertan.

  • NEGUAN: Astelehenetik ostiralera, 15:30etik 22:00etara.
  • UDAN: ordutegia baieztatzeke.